IL-KARITA' TAL-MALTIN U L-LOTTERIJI

Din li gejja hi diskursata tipika li tista' tisma' f'Malta din il-habta, meta skoprejna ufficjalment, li 97% tac-cittadini huma razzisti. Id-dibattitu li gej sar f'xatt il-bahar, quddiem il-Port il-Kbir ta' Malta Repubblika, hanina u Pawlina. Is-suggett tad-djalogu: in-nies tad-dghajjes mill-Afrika.

- Regghu dahlu skoss suwed, ghandu jkun.

- Qazzuna. Hadu kull m'hawn.

- Dejjem meta jaslu hdejn Malta tiqfilhom il-magna, Alla jbierek, tarax.

- X'tiqfilhom il-magna! Min iwassalhom inehhi t-tapp mid-dghajsa u jhallihom hemm, nezlin.

- Halliehom ha jeghrqu, la stednuha.

- U ahna nimpalawlhom il-liri.

- Jigu hawn jieklu qishom lukanda, bil-menu, tarax.

- U l-hwejjeg li jtuhom? Humiex tad-ditta, wkoll.

- Messhom jisparawlhom kif jarawhom gejjin.

- Jew jisploduhom bid-dghajsa b'kollox.

- U l-Gvern pastizz, qed jaghtihom zewg liri kuljum.

- Tliet liri, hallina minnek…

- U ahna nhallsu.

- U mbaghad jigi xi pulcinell jaqbez ghalihom fuq it-televixin.

- Ghax ma jzommhomx hu, ghidlu? Ghax ma jihux xi tlieta minnhom?

- Hallih ha' jehodhom, forsi jzarmawlu d-dar.

- Mank, jahasra.

- Qazzuna. Hadu kull m'hawn u ghamluh taghhom.

- Jaqbzulna ‘barra, jew inqabbzuhom.

Darba, m'ilux wisq, kien hemm zmien meta eluf u eluf ta' Maltin ma kellhomx ghaxja ta' lejla.

U kienu saru emigranti huma wkoll. Mhux emigranti illegali, mhux klandestini, imma kienu jhallsu hames liri biex jemigraw, jew ihallsilhom ghaxar liri l-Gvern biex iparpru.

Meta jsibu hin ifittxu fil-kuxjenza taghhom, hafna Maltin jindunaw li bosta min-nieshom kienu emigranti, li marru jfittxu xortihom f'art barranija. Nieshom kienu telqu minn Malta biex jehilsu mit-tragedji tal-qghad, tal-faqar u tal-mizerja.

Niesna kienu jinsulentaw ruhhom jekk fil-pajjiz fejn jemigraw kienu jsejhulhom wogs jew coloured.

L-insulti li kapaci jghaddu hafna Maltin fil-konfront ta' kull min ghandu gilda sewda huma ferm aktar gravi. U diretti dejjem biex iwegghu u jferu d-dinjita'.

F'dan ix-xenarju ta' pregudizzji u intolleranza, hadd m'hu jitkellem dwar ir-rizorsi li jista' jkollhom dawn il-klandestini.

Donnu li hadd ma jimpurtah x'jafu jaghmlu dawn il-klandestini; jekk humiex kapaci jaqilghu x'jieklu b'xogholhom, b'hidma li l-Maltin m'ghadhomx iridu jafu biha. Donnhom li dawk l-erwieh mizeri li jaslu bid-dghajjes mill-Afrika, qeghdin hemm biss ghall-insulti, bhala moghoz tas-sagrificcju. Jaslu fuq dan l-iskoll biex jaqilghu fuq rashom is-sahta tal-Maltin li, bis-santimonjanza kollha, tarahom jaghtu lira ghal “tat-tsunami” (forsi jirbhu karozza jew villa), imma ara ma ggibilhomx Afrikan joqghod hdejhom.

Il-karita', il-Maltin jaghmluha biss skond it-termini taghhom, skond l-interessi taghhom u ta' familthom. Jaghmlu l-karita' mill-boghod, basta ma jxommux il-gilda.

Sebgha u disghin fil-mija tal-Maltin huma razzisti. Ic-cifra kienet amplifikata wara sondagg li ghamlet il-gazzetta The Sunday Times (14 ta' Awissu, 2005). Fl-ewwel faccata kien stardardizzat, sinkronizzat, ir-razzizmu ta' Malta.

Halli d-dinja kollha tkun taf li f'Malta ta' l-Insara, issa bdew jitqassmu karti vjolenti, jiddikkjaraw li l-istagun tal-kacca kontra l-Arikani u l-erwieh l-ohra tad-dghajjes huwa miftuh. Is-sena kollha. Il-karti huma ffirmati mill-KKK u stampati bi xbihat ta' rjus tal-mewt u ghadam imsallab. Qed javzaw lin-nies tad-dghajjes biex jitilqu mnejn gew. Inkella jinqatlu. Bhall-fniek tal-liebru, bil-kanni tal-hamsa.