APHASIA

Ma kontx ili nafu wisq. Introducihuli poeta habib tieghi mill-Mediterran.

L-eta’ tieghu kont naraha indeterminata, imma qaluli li jhobb jinsisti li ghex hames sekli.

Il-kredu tieghu kien li m’int xejn jekk ma tirrezistix, anki jekk ma titkellimx jew ma tikkomunikax xort’ohra. U kien jikkwota lil xi sagg mill-kosta tas-Sud li kien isostni li trid tghix bhallikieku ruhek maghmula mid-demm u l-laham. Lanqas ismu ma kont naf imma meta nhares lejh kont nara l-vini hoxnin ta’ fuq naghsu, vjola bil-piena, lewn ankra msadda taht l-ilma jew lewn it-tifsira ta’ hajtu. Kampjun impenetrabbli kien dak ir-ragel. Gieli ppruvajt niftakru b’xi versi. Dawn xi whud minnhom, mhux kompluti. Forsi jinteressaw lil xi hadd.

Ma nafx jistax jitqabbel dak ir-ragel mal-ghanja okra w dekapitata

t’ghasfur tal-bosk jew mal-fwieha temporanja ta’ fjura hamra twaqqa’.

Ma nafx inqabblux mal-hofra li waslet biex tilqa’

lil gismu ghajjien li ghex lilhinn mit-temp inutli tieghu.

Kien stqarrli li gezwer lilu nnifsu fl-istejjer li holoq fil-karg tax-xemx

u fl-iljieli riezha tal-kwiekeb imghajba.

Kien qalli li jhoss ‘il harifa tissikka ‘l qalbu

b’mara f’soddtu jew minghajrha

u l-vanita’ ta’ rgulitu kienet tizzarrat meta jiftakar kemm ittradixxa weghdiet

u kemm ghadda gudizzji falluti.

Darba kien qabbel lilu nnifsu ma’ monologu bla lehen

u darb’ohra ma’ bahhar fuq id-dghajsa tal-impossibbli.

Anki mal-passi hafjin ta’ fatat mitluf kien xebbah lilu nnifsu

jew m’amfora ‘nkrustata li l-forma taghha ma baqghetx tingharaf.

Qed nikkomunika biss, kien qalli, b’ghajnejja zvujtati

u jdejja jteftfu ghalxejn fic-cpar assedjat kif jien

minn ilhna remoti li jghajtu t-tama u t-telfien iddisprat fl-istess nifs.

- Imma int min int sewwasew?

- Jien il-gilda li nqalghet mill-ghadam u l-ghadma li tmermret.

- Min huma x-xhieda tieghek?

- L-ikkundannati kollha tad-dinja.

- U x’testment se thalli?

- Se nhalli twissija mirduma fit-trab forsi xi hadd isibha.

- X’tghid it-twissija?

- Tghid biex hadd ma jidhol komplici mieghi.

Mario Azzopardi

Marzu 2010