ATT TA’ FIDI

Mario Azzopardi

Kien fehem il-vokazzjoni:

           li jigbor hajtu

           f’metafora mizduda

           bl-arterjosklerozi.

Li jaghmel il-mument istantanju

r-religjon tieghu.

Minghajr ikoni

li ma jikkonnettjaw qatt

li jisfaru bic-ciera

bil-gakulatorji negozjati

tal-boloh

u nisa bla snien.

Li jikkonferma kollox

bil-fidi tal-kontradizzjoni.

Li jichad il-kompletezza

u jaccetta

l-ixkora tal-frammenti

mqandla fuq dahru

hekk kif jidhol spasmod’ku

ghan-nugrufun

fl-infern ciniku tad-dinja.

Kien jaf  li qed jghix

ghall-arti ta’ l-epigramm

bis-sigla dizarmonika

thitlu l-feriti f’qalbu.

Kien jaf

     li fl-incizjoni tal-herba

     hemm il-formola sostnuta

     li l-mewt fl-awli tal-kancer

     bl-ilma mbierek jew minghajru

     jew

     f’hogor mara hamja

     b’xuftejha lublieba  

     w sidirha niedi

     hi u terhi l-krib tal-gost

     huma l-istess interruzzjoni

     u

     jiehdu l-istess tisbita

     lejn l-orrur ta’ l-infinit.

11 ta’ Settembru 2006