FIL-VINJI TA’ L-ERWIEH

Isimghu ja niesi!

Isimghu kif qomt taht id-disk tax-xemx

b’rasi t’Anubi

miexi quddiem ‘l-erwieh fid-dinja l-ohra.

Arawni libes ta’ Horu bl-istikka f’idejja 

u wicci t’ghasfur

nindokra s-sargof’ku jsalpa 

ma’ l-ilma tat-tkomplija 

w araw ghajnejja

kif ghandhom ix-xehta tal-piloti fuq l-imriekeb 

tas-sajjieda tax-xlokk.

Allucinat bil-fungi nejjin

li gerrimt u blajt ma’ l-ghasel tan-nahal

hawn

mal-vinji ta’ l-erwieh 

fi gzirti fil-bahar nofsan:

                            Jien l-idjota sagru.

                            Araw ja niesi!

                            Kif minn sidri hergin il-vireg tan-nar

                            ix-xaftijiet tal-vizjoni

                            jippuntaw lejn il-ventri tal-mara korpuza  

                            li nisslitni f’daghdigha

                            ta’ wgigh u pjacir 

                            bejn il-hagar massiv

                            f’dak il-lejl ta’ misteri.

Araw l-istorja privata  tieghi issir wahda pubblika.

Arawha ssir il-grajja taghkom 

li nsejtu s-sekwenzi kollha 

li nsejtu mnejn gejtu

u fejn sejrin.