Bit-tifqigħa tas-silġ kien ilanġas il-kliem u jtir mar-riħ f’kurvi vjolenti.
B’kontropunt invisibbli l-infinita’ titgiddeb f’sekonda
u jidħol kien
fi ħrafa wara l-oħra, jirfes id-dramm miġmugħ fil-ġerħa s-sewda.
Arawh issa:
Quddiem folja oħra li beda w ma jafx ikompli għax il-kliem ma jiffurmax.
Għax forsi m’għadx hemm kliem x’jifforma.
Forsi l-kliem intradam taħt il-patina ffriżata ta’ tant episodji.
Inħela bosta kliem li tħalla jirżaħ fit-tieqa jew li waqa’ bla grazzja fuq it-tapit
jew trekken taħt it-taraġ biex ma jilħqu l-ebda dawl jispjuna mill-persjana.
Issa jaf: xortih t’aljen. Mingħajr amnestija.