HUIS CLOS

Dakinhar

bhal kaptan tal-gwardja mrieghed

taht il-qilla ta’ l-assedju dikjarat,

tintebah li fejn tahrab m’ghadx baqaghlek.

Ma’ lbit iz-zwiemel maghlubin li gennu,

u mat-trumbetta tnewwah ghat-tellief,

f’nofs kumulu ta’ rmied u ta’ nxufija,

ta’ rjus kadavri bin-njieb imkissrin,

ta’ glud ‘mgharrin idewdu b’nemel ahmar;

int zokk amputat.

Dakinhar

lilek innifsek tilmah f’nofs il-herba,

b’ghajnejk estranji tilmhek hemm,

musfar u lacerat, bil-hbub mhux tieghek,

b’ghajnejn li jmieru li tezisti

u li mbaghad

bi zliega jaghmew zoptu.

F’dak l-ahhar jum tal-kalendarju

tissogra fit-tifrik sfrundat u jdahhan,

tintracca l-mappa ta’ xi hsieb divin

u tifhem biss

illi m’hemmx direzzjoni.

Mario Azzopardi