IL-MOGHZA TA’ TRIQ REGJONALI

Fil-gzira tal-bahar tan-nofs

ghadhom johorgu tlettax-il moghza

fi Triq Regjonali.

Johorgu jirghu il-moghoz ghad-dhahen

u d-dlik tax-xlokk u l-hsejjes tat-trakkijiet

jahartu t-tarmak jahraq.

Tlettax-il moghza mdennsa

jieklu l-karti u l-plastik u t-trab.

Imbaghad hemm il-moghza ta’ quddiem.

Dejjem l-istess wahda li nara mill-karozza

meta s-serbut imajna ghat-telgha:

moghza mghakkra din,

b’harsa qadima, thallat

it-tbatija ma’ l-apprensjoni,

l-apatija mal-banalita’

mar-rassenjazzjoni

u t-tifkiriet mas-sabar u t-tisfija,

il-moghza tittawwal

minn wara l-hadid kontra l-kraxxijiet

fi Triq Regjonali.

Ossessiva l-harsa tal-moghza,

malinkonika, distanti w attwali

donnha l-harsa t’ommi quddiem il-korriment u mbaghad

il-mewt ta’ bintha bil-fetha donnha l-harsa ta’ nannti l-harsa tal-moghza

nannti Lena bint il-pittur tal-karozzini u mart Giovann l-eziljat fl-Italja faxxista.

Ommi, nannti, buznannti l-moghza

Rozarja tinheba mill-bahrin tal-Kuruna jew l-ufficjal Franciz li ried jinfidha.

il-harsa ta’ Sulpitia l-korteggjana f’ghajnejn il-moghza ta’ Triq Regjonali

thawwad mistura li tqanqal l-imhabba tal-hlewwiet kbar u l-kefrija

li twieghed biss u taghti l-imrar

Vjoletta l-moghza Annuzza l-haddara jew Fatuma

tinheba mill-izbirri tal-Hakem

jew Maddalena taqfel il-lazzijiet biex tghatti sidirha niedi wara li hadha

Don Jose’ d’Alfonso fil-villa ta’ l-Isqof u eqdem il-harsa tal-moghza

fonda daqs l-ispirall ta’ zmien Marozza w l-irhieb

u isfeq il-harsa tal-moghza u ixjeh daqs ghajnejn Axtart l-imradda l-qadima

l-harsa tal-moghza sal-bidwija bint Sadik tal-Kabiri

sal-hagar tal-mungbell taz-ziganti

fejn ghamret l-Omm il-Hoxna.

Ta’ dawk in-nisa kollha

werrieta l-moghza ta’ Triq Regjonali,

tiekol it-trab u l-boroz tal-plastik u t-tamiet taghna,

ahna l-erwieh mitlufin fit-traffiku veloci,

li bqajna nemmnu xi ftit fil-vizjoni,

xi ftit fil-mara tal-hniena.