IS-SAGA (KOMUNI) TA’ SAMUEL M. PARDI

Ma satax jifhem aktar Samuel M. Pardi.

Ma satax jifhem kif sfaw eradikati l-bliet u tqaxxru mill-illuzjoni

u mill-avventuri tal-imhabba u kif issa, meta jhares fil-mera, jara folla wcuh

mejtin daqs fossili skolpiti biz-zmien,

iharsu lura lejh: uhud jixbhuh izda hafn’ohrajn le.

Ma jista’ jifhem xejn:

la min kien, la min sar u lanqas mnejn gej il-vojt imbezza’ li jimla l-bokka

tal-istonku tieghu.

Samuel M. Pardi maqbud fl-ispazmi tal-hela: forsi beda jaghraf

kif tinnegozja mal-mewt b’xi frazijiet ‘l hawn u ‘l hinn li jfissru u ma jfissrux.

Forsi

qed jaghraf kif jinnegozja bi stil,

issa li tghallem jikkancella l-holm urgenti

u x-xbihat tal-poter seducenti

li jiftakar u ma jiftakarx.

Qed jghix sighat misselfa. Forsi jiem jew gimghat:

issa

li m’ghadux jistordi bil-fwieha tal-orgasmi kollha li assista ghalihom,

meta kull darba kien jivvinta mill-gdid lilu nnifsu Samuel M. Pardi.

Poeta.

Fil-mera hemm id-distanza tieghu minnu nnifsu.

Fit-tarf tad-dinja.

Fit-tarf nett tal-ezilju.

Fl-ahhar ritmi tal-poezija falza.

Ifittex fil-but u johrog karta mkemmxa Samuel M. Pardi.

Karta battala.

Mank l-icken sinjal.

Mario Azzopardi