ITTRA MINGHAND ROSANNA P. DWAR IL-PATOLOGIJA RELIGJUZA

U HWEJJEG OHRA PJUTTOST INCIDENTALI

Ghaziz Poeta

Attakkajt moment prezzjuz u qbadtu u dhalt fih, lilhinn mis-sighat kollha ta’ jum iehor mignun, biex niktiblek.

Grazzi taz-zewg kotba li bghattli. M’iniex f’burdata mistika imma l-kitba anonima dwar is-Shaba tal-Misteri ghandha l-pregji taghha. Xorta wahda nibqa’ nistaqsi jekk bil-kontemplazzjoni ahniex se nsolvu l-problema ta’ l-immigrazzjoni illegali mir-Rumanija. Lanqas id-diversi passaggi dwar l-abbandunza ta’ dwal fantasmali ma twassalna lejn ir-ralta’ kif inhi.

Ma rridx ninhass pagana aktar milli jien, imma l-volum l-iehor dwar Hipatia minn Mendoza tefaghni darbtejn fl-artt, inzomm genbejja bid-dahq. Irrid nimmagina lil dik l-imsejkna nevrotika Spanjola taqbad lil Satana mill-qrun jew minn denbu, taghmillu mossa vulgari u tghidlu ma jibqax joqmos fuq il-brevjar taghha. Jew tghajjru Wizza jew tistaqsih minn liema parti tal-Arika kien jasal meta jidhrilha bhala negru jikxef in-nejbiet.

Imbaghad ammirajt il-hila aritmetika tal-Beata ta’ Strommeln, li kkalkulat li kienu qed jattakawha minn 91 sa 40,050 demonju ma’ kull qamar gdid, wara li l-Princep tad-Dlamijiet kien jaharqilha sidirha u taht zaqqha bic-caghaq jikwi.

Ma nafx jekk dal-ktieb bghattulix biex taljenanzi mit-tensjoni bil-kawza tas-separazzjoni li ghandi ghaddejja bhalissa (l-ahhar intopp jikkonxcerna l-appartament fl-Alto Adige). Insomma, il-ktieb sibtu divertenti u daqstant iehor patologiku, trattat dillentesk fin-newropatija, iddekorat bil-barzelletti religjuzi.

Il-gimgha li ghaddiet ergajt mort ghal sessjoni twila fl-ispa ta’ Porta Marzia u rgajt iltqajt ma’ Ella B. Selliet ghalik, imma kwazi nista’ naccertak li r-rigwardi taghha jiffavorixxu hafna aktar lin-nisa milli l-irgiel. Nispera li ma tiddizappuntax ruhek wisq.

Il-prospett teatrali tal-Latvja ghandu jmurlek tajjeb.

Qrajt l-abbozz tal-iskritt li bghattli. Forsi ta’ min jinkludi, b’xi mod, l-ossessjoni tan-nisa Latvjani dwar il-htiega li jaqilghu talinqas xebgha wahda tajba minghand zwieghom bhala prova ta’ mhabba.

L-ahhar poeziji tieghek ikomplu juruk qed tirrivitalizza l-lingwa, u tenergizzaha bhallikieku waslet fil-limitu tal-estizjoni taghha u trid tivvintaha mill-gdid. Naturalment jien qed naqra traduzzjoni, u nahseb li fl-original semitiku-romanz,

l-ipatt jidhollok f’sidrek bhall-gheruq ta’ sigra ddisprata f’dezert. Jidhirli li qed tohloq xbihat tassew sorprendenti u nahseb li minkejja c-cinizmu tal-wicc, hemm tama gdida fil-poezija tieghek (jew imissni nghid rassenjazzjoni solenni jew stojika). Fakkartni f’dak il-poeta Orjentali, bhalissa ma niftakrx min hu, li meta zar New York kien iddikkjara li jrid jghatti l-iskart tal-Bronx bil-fwejjah mill-Gharabja.

Nispera li dan il-kummnet tieghi tiehdu bhala kumpliment. Inqis li dawn l-ahhar poeziji tieghek isahhu l-konvinzjoni li l-poezija ghandha tipprezenta l-kapitli tal-hajja, mhux tirrappezentahom b’arroganza jew b’xi kodici morali.

Min jaf kieku tikteb Manifest dwar il-Poezija u tiddedikah lili?

Se jkolli nieqaf hawn ghal-lum, bil-fehma ferma li hemm elf mod kif tmut imma

l-isfida vera hi kif issib imqar wiehed ta’ kif tghix.

Lura lejn il-kumbattiment.

Niftakar fik.

Rosanna.

01/09