Ottubru 2005
Ghaziz Oskar
Ma nistax nghid li l-ahhar ittra tieghek edifikatni.
Napprezza li kellek bzonn it-taghrif li tlabtni ghall-progett “psewdo-biografiku” tieghek, kif qed issejjhalu int. Imma ma kelli l-ebda xewqa li niftah il-kapitlu ta’ Miriana, li hsibt li kien inghalaq kemm ghalik kif ukoll ghaliha.
Biex nikkonferma l-lealta’ tieghi lejn il-hbiberija antika taghna mort naraha kif tlabtni, bl-iskuza li xtaqt niehu xi noti dwar l-ikoni li kienet gabet maghha minn Novi Pazar, qabel ma zzewwigtu.
Skoprejt tahlita ta’ fwejjah kuntrastanti.
Qabel xejn, il-fwejjah tax-xemghat tal-luttu. Miriana tilfet lil missierha: rega’ tfaccalu t-tumur li kien kien zviluppalu wara l-missjoni tieghu fil-laboratorju ghar-ricerka nukleari. Din id-darba attakkalu l-inforra tal-pulmun u mit-telefonata li kien qed ikollha Miriana minghand ohtha, il-missier kien mugugh hafna. Mid-dehra tawh difna militari ufficjali, x’imkien fl-inhawi ta’ Smederevo, ftit ‘l isfel minn Belgrad.
Meta mort id-dar taghha, Miriana kienet ksiet kullimkien bid-drapp iswed, u sahanistra dendlet speci ta’ pavaljun kbir mill-hadid tar-tarag, jaghti ghall-ewwel kamra, fejn zejnet l-ikoni b’xemghat zghar irqaq imdeffsin f’suppiera bir-ramel.
Ix-xbiha ta’ missierha esponietha fuq il-kavallett li tpitter fuqu (dan l-ahhar kienet qed tipproduci sensiela ta’ qtates fantasmagorici). Xrobna l-inbid tal-prun u kilna helu li ghamlet hi, qghadt nismaghha tirrakkonta dwar kif missierha ma messux accetta li jmur jahdem f’laboratorju nukleari.
Tant pingiet lil missierha b'mod grafiku, li bdejt nisthajlu jqum bil-qieghda fit-tebut, jisma', jitbissem koleriku, japprova b'rasu, b'caqliq imwebbes bir-rigur mortali.
Isegwu kollox minn fuq il-pjanu kien hemm it-tliet iqtates suwed ta’ Miriana, wiehed abjad, l-iehor griz u t-tielet wiehed iswed. Bilqieghda fuq saqajhom ta’ wara, dritti u cassi, iharsu fl-istess direzzjoni, lejn ix-xemghat. Farfett zghir ta’ bil-lejl kien qed itir fis-sakra minn bejn il-ftejjel, jinharqu bil-piena ta’ dik id-dezolazzjoni kollha.
L-ugigh sinkopat ta’ dik il-mara tal-luttu kien maqful f’termometru kiesah. U kellu riha sokkjuza. Ineffabbli.
Dak l-ugigh donnu kellu minn formola matematika, teorema li b'indici universali, imma fl-istess waqt distanti, mhux konkret.
Stennejt lil Miriana tieqaf minn sessjoni urgenti ohra ta’ lfiq, imlahham u fgat fl-istess hin, u ghidtilha li dwar l-ikoni, jekk ma jimpurtax, nghaddi f’mument aktar trankwill. Skuzajt ruhi tal-iskomdu u hrigt mal-habiba taghha Krassina (jekk tiftakar kienet izzewget hawn u fethet stabbiliment tat-terapija naturali hawn, fl-inhawi tas-Salina) li marret taghtiha l-kondoljanzi.
Krassina staqsiet dwarek u fdajt maghha li fil-fatt, jien kont mort ghand Miriana biex naqdi lilek. Qaltli li Miriana gieli ssemmik b’acidita’ kbira u gieli tghid li forsi ma fehmitekx. Imma m’ghandhiex dubju li int egoist perfett u ma tafx thobb.
Dhalna f’kafe’ u qaltli li kellha xi haga interessanti x’tghidli.
Ftit qabel l-ahbar tal-mewt ta’ missierha, Miriana kienet qalet lil xi hbieb intimi li kienet se titla’ Londra biex taghmel “rikostruzzjoni vaginali”. Qed taqra sew, ghaziz Oskar: rikostruzzjoni vaginali. Teknikament l-intervent jissejjah DLV, jew Vaginoplastija Disinjata bil-Laser. L-intervent jassigura ristrutturar estetiku tal-vulva. Habiba taghha li tahdem bhala maniger f’bank fil-Kroatja u li m’ilux ghamlet intervent f’Los Angeles biex tlahham il-posterjuri (u iehor biex tinjetta l-kollagenu fil-parti harxa tal-vagina ghal orgazmi aktar intensi), kienet qed tibghatilha hafna letteratura li kisbet minghand is-Socjeta’ Amerikana tal-Kirurgija Plastika (l-ASCS) biex tikkunsidra l-intervent. Miriana kienet se tmur Londra ghax fil-kapitali Ingliza, l-intervent jiswa ferm inqas mill-35,000 dollaru li hallset il-habibitha fl-iStati Uniti.
Meta staqsejt lil Krassina x’dahal f’mohh Miriana u mnejn se ggib dawk il-flus kollha, qaltli li l-eks martek trid tehles darba ghal dejjem mit-tirannija ta’ l-inkubi sesswali taghha, wara li bil-kollass taz-zwieg taghha mieghek, tilfet kull fiducja fil-potenzjal erotiku taghha. Kienet qed tghid li ta’ 45 sena, trid tibda tirrispetta lilha nfisha mill-gdid minn kull aspett, anki fl-apsett l-aktar intimu. In-negozju bl-artijiet li dahlet ghalih ohtha Blaga qed jaghmel tajjeb ghall-bzonnijiet
straordinarji ta’ Miriana.
Ma nafx jekk din l-ossessjoni ta’ l-eks mara tieghek hijiex qed tghatti l-lacerazzjonijiet li kien hemm f’hajjitha f’dawn l-ahhar ghaxar snin. U issa ma nafx x’se jigri wara l-mewt ta’ missierha, li kif taf int, kienet qrib tieghu hafna qabel halliet pajjizha biex tizzewweg lilek. Kif nahseb li tifhem, ma kienx facli ghalija li nirrinkoncilja x-xena funebri li sibt fid-dar taghha ma’ dan it-taghrif mhux mistenni (u anki mtaqqal b’certu imbarazzament) dwar il-ginekologija kosmetika.
Dahhaltni f’karusell tassew stramb.
Immaginani ghaziz Oskar, fi spazju ta’ madwar disghin minuta, filli qed inxomm ix-xemghat tal-kappella mortwarja virtwali li holqot Miriana, filli nosserva l-atteggjament tal-qtates f’cirkustanzi ta’ luttu u wgigh emottiv qawwi u filli qed nipprova nifhem il-proceduri biex jithaxxen il-klitori, tkun stimulata l-vagina bil-laser
u nikkalkula l-finanzi involuti f’dawn l-interventi li trid taghmel l-eks mara tieghek.
Irreali, habib tieghi . Irreali. U aktar ma jghaddi z-zmien aktar qed nikkonkludi li r-realta’ ma tezistix hlief fl-ekwazzjonijiet li jaghmel mohhna. Kemm fid-dar ta’ Miriana kif ukoll bilqieghda hemm, quddiem Krassida fil-kafeterija, nisma’ dwar it-teknika ginekologika fuq in-nisa, hassejt xi haga asenti, xi punteggjatura reali li ntilfet jew thalliet barra.
Hasset li f’dawk ic-cirkustanzi assurdi, in-narrativa kellha xi haga nieqsa.
Hassejt li ma stajtx nifhem il-paragrafi. Li kien hemm bzonn xi hadd li jkompli s-sentenzi u jurini x’inhi l-punt logiku li jmiss. Jew il-punt illogiku, il-mument l-iehor mignun. Kien mehtieg li xi hadd li jcaqlaq il-lenti biex l-affarijiet ma jibqghux daqshekk imzellga.
Ghal-lum se naghlaq hawn.
Nittama li din l-infomazzjoni toqrob lejn dak li xtaqt tkun taf.
Marius
PS. Sa certu
punt, l-esperjenza taz-zjara tieghi ghan Miriana tista' tghinni fis-sagg li qed
nikteb dwar ir-rabta bejn il-fenomenologija ta' Husserl u l-ezistenzjalizmu ta'
Sartre ghall-konferenza ta' Lille fil-bidu tas-sena d-diehla. Fid-dawl tat-tezi li wara kollox,
l-esperjenza suggettiva hi s-sors tal-gherf kollu, inkun nista' nesponi ahjar
(bis-sahha incidentali ta' Miriana) id-differenza bejn l-oggett u t-tifsira
tal-oggett. Aktar ma jghaddi z-zmien aktar qed nifhem kif l-oggetti u
l-avvenimenti m'ghandhomx realta' konkreta, imma biss "realta'" li
tista' tkun dominata biss bil-konxju uman.
Aktar qed nifhem li r-realta' ma tristax tezisti maqtugha mill-konxju
uman. Nista' nippercepixxi il-kuntrasti
impressjonati bejn mara f'burdata funerarja u x-xewqat senswali taghha.