L-ANZJANA TA’ SHERLAG UTSA

Kienet bil-lest it-tibdila għall-isptar.

Imgħakkra t-troffi tax-xagħar fuq it-tapit tar-raffja

U s-sigarett iwaqqa’ l-irmied minn bejn subgħajha kannella.

Ġisimha jitherra taħt l-aħmar oxxen ta’ difrejha w ħalqha.

Kienu għhallmuha li l-individwaliżmu ntrebaħ mill-istorja kollettiva.

Iżda baqgħet imqabbda maċ-ċelluli privati ta’ moħħha:

Kienet il-persunaġġ fil-konfront tal-eventi li qafluha fihom.

Baqgħet tiftakar kollox l-anzjana ta’ Sherlag Utsa

Qabel ħaduha l-isptar

Qabel difnuha bil-libsa sewda ‘ffjurita

Kif kienet qaltilhom jagħmlu.