Minn Mario Azzopardi

 

Fi Tjankej, pajjizu, kienu jghidulu L-Ghassies tax-Xibka.

Kien skoprih il-kowc Ngujen-Mui  b’kumbinazzjoni.  Kien qed jilghab il-ballun fil-hin tal-mistrieh ma’ shabu u l-kowc rah jilqa’ xutt wara l-iehor fuq art mimlija trab ohxon,  b’mod mirakoluz.  Itir, joghla, jitghawweg lura bhal huta b’sinsla tal-lastku, imattar saqajh b’seher u jintefa’ f’saqajn l-avversarji  bla biza’ xejn.

U l-kowc qal:  Dak l-Ghassies tax-Xibka li ghandi bzonn ghan-nazzjonali.

U Ajman-Azu  sab ruhu bejn il-lasti tan-nazzjonali ta’ Tjankej.  Sellem lil shabu tal-Fabbrika tal-Fertilliizant u kien jaf li se jaslu jiem meta jixtieq li jerga’ jkun maghhom.  Xogholhom kien li jhaffru taht is-silg biex jaqilghu it-tajn, ihalltuh mad-demel uman u jehduh bit-trakkijiet ghand il-bdiewa biex ixerrduh fuq l-ucuh tal-ghelieqi ghal  prodott ahjar.  Lil hafna minn dawk il-haddiema kien ilu jafhom minn tfulitu.  

Kien jaf l-istejjer taghhom, wiehed wiehed.  Kien jaf il-faqar taghhom, bi stejjer ta’ swied il-qalb. Bhall-istorja t’omm siehbu tal-qalb, Ax-Ikin.  L-omm kienet qed tmut u bintha mardet f’daqqa bl-imxija tal-imsaren.  U qatghetha li tbiegh lil bintha (kienu tawha dollaru Amerikan taghha) biex ma thallihiex tmut.  Ax-Ikin kien ghadu zghir wisq biex jifhem, u meta mbarmet ommu (kif kien mistenni), la kellu lilha u lanqas lil ohtu.

Meta kienet taqa’ l-borra u taghqad, it-tfal kienu johorgu  bl-istikki, bis-skieken marbutin fit-truf u jippruvaw jiskejzjaw fuq l-ghadira mwebbsa silg.  Imma Ajman-Azu  kien jippreferi l-ballun.

Gara li Ajman-Azu  sab xorti man-nazzjonali. 

Kien mahbub u minnu kien mistenni hafna.  Kienu jghidu li gab ir-risq u li kien imbierek mix-xemx u l-kwiekeb.  U l-mexxejja ta’ Tjankej kienu saru jafu bih malajr u riedu jiffurmawh skond il-kult tal-Mexxej il-Kbir Shon Jung Kahn.  Bhala msieheb important fil-progett sportiv tal-pajjiz, kienu harrguh fit-twemmin tad-Dipartiment tal-Propaganda u l-Azzjoni Popolari:

Imsieheb qalbieni  jaf x’jiswa ghall-pajjiz.  Ma  jimteliex bl-ghogba tieghu innifsu jew bis-sehh ta’ grajjiet mhux mistennija.

Ma jisbelx malajr quddiem hwejjeg li  ma jifhimx ghax qalbu tkun vasta u r-rieda tieghu qawwija.              

 

Intant  Ajman-Azu kabbar il-fama tieghu u kienet waslet is-sena tal-Gara Dinjija  f’Tembisa, fl-Afrika.  Kienet l-ewwel darba li Tjankej kien ikkwalifika mal-ahhar skwadri tad-dinja.  Il-Gvern Central tal-pajjiz beda kampanja shiha biex iqawwi qalb il-poplu u mela t-triqat ewlenin bi bnadar kbar u kartelluni:

IL-POPLU GHAR-REBHA

TJANKEI LEST GHAL KOLLOX

TISLIMA LILL-GRUPP BL-ILWIEN NAZZJONALI

Il-gazzetti, min-naha taghhom, taw hafna prominenza lil Ajman-Zu bhala l-Ghassies Imsahhar  tax-Xibka.  Kienu ntervistawh kemm-il darba, anki fuq it-televizjoni

u r-radju,  fi programmi mimlijin kwotazzjonijiet mill-Kult tal-Mexxej il-Kbir.  Ritatti kbar tieghu, bojod u suwed, twahhlu mal-Ministeru tal-iSport u mal-arbli tad-dawl.  Anki mal-Fabbrika tal-Fertilizzant twahhlu zewg ritratti.  L-istennija kienet kbira. U Ajman-Azu ma deherx komdu b’dak ir-reklamar kollu.

-          Ajman-Azu baqa’ ragel umli.

-          Bniedem li jhobb lill-pajjiz, mhux lilu nnifsu.

-          Ragel qalbieni Jinsa’ lilu nnifsu u jaghti kollox.

-          Tassew, Ghassies bi storja kbira.

-          Ghassies mirakoluz tax-Xibka.

-          Ghandu ghaliex jaghtih gieh il-pajjiz.   

-           

Wasal il-jum tal-ewwel loghba kbira  ghal Tjankej fil-Konkors tal-Koppa  tad-Dinja.   It-tribuni kienu mimlijin sa ruh ommhom bil-bnadar, trumbettiera, damdin tat-tnabar, nies b’wicchomk mizbugh u maskerati bi lbies karnivalesk f’rashom.  Hekk kif ha postu bejn il-lasti, Ajman-Azu hass dik il-folla massiva tispjuna fuqu, fuq hajtu, fuq x’halla warajh.  Imma ftakar fil-missjoni favur pajjizu.  Ftakar fir-ritratti tieghu mal-arbli tad-dawl u mal-hitan tal-fabbrika .  U ftakar li qalbu kellha tkun vasta u r-rieda tieghu qawwija.

Kwarta loghob.  L-ghajjat tal-ispettaturi kien itarrax.  It-tnabar kienu f’fermezija. Il-kuluri tal-bnadar kienu jghammxu.

Ajman-Azu johrog bil-ponn ghall-ballun.  Joghla sular fuq ras kulhadd u jahtaf il-ballun donnu kien id-destin tieghu u ta’ pajjizu. L-arena tisplodi.

Ajman-Azu jivvjagga min-naha ghal-ohra tax-xibka maqtugh metru mill-art.  Il-Gwardjan tax-Xibka f’miraklu iehor li jgennen aktar it-trumbetti u t-tnabar.

Ajman- Azu wahdu, lest ghall-avversarju.  Kollox jidher  impossibbli. L-avversarju gej lejh bhal vlegga mignuna, bil-ponta.  Imma l-Ghassies tax-Xibka jixtehet bhal bhima  feroci f’saqajn il-miratur u jahtaf il-ballun u jibqa’ ma jiccaqlaqx.   Imbagha iqum bil-mod u l-arena terga’ tisplodi bl-ghajjat u l-hsejjes. 

Fl-intervall  Ajman-Azu jkun l-eroj u shabu jghannquh u jbierku fih.

 

Jibda t-tieni nofs.

Dillierju madwar l-arena u jerghu it-tnabar u t-trumbetti, jerga’ l-karnival.

U quddiem ix-xibka, Ajman-Azu jibda jara l-kuluri jizzellgu.  Il-bnadar isiru ghasafar kbar jizvelaw hajtu. Il-maskri jahbu spirit mqallbin u hajjiena li jfakkruh x’halla d-dar.

Jew x’ma halliex, ghax martu kienet telqet u harbet x’imkien li ma jafx fejn.  U beda jara lil ibnu Sun-Xi, man-nanniet, ghoddhom maghtuba u mkemmxin bil-hajja.

L-arena mignuna.

Ajman-Azu jilmah il-ballun gej f’gholi ta’ sular. Jarah itir lejh, segwit mill-ispirti l-hziena.  U johrog bil-ponn u ma jolqotx u l-ballun jinvadi l-ispazju projbit

u l-Ghassies ifalli.

Imbaghad jara balloon iehor  gej bil-velocita’ ta’ kanun tal-gwerra l-antika li kien qara dwarha fil-kotba tal-istorja u jtir u jerga’ jfalli.

U jerga’ ma jilqax it-tielet ballun fatali.

U issa l-maskri fl-arena kollha jittrasformaw ruhhom.  Il-fattizi ta’ maskeruni kbar  jitghawgu u mbaghad ikollhom  wicc martu Chai-Len, jidhqu u jizzuffjettaw bih.  Il-hoss jinbidel f’kor selvagg jikkundannah ghall-mewt.

 U jkompli jizzelleg kollox u Ajman-Azu jara x-xbiha t’ibnu, bid-dmugh f’ghajnejh.  Dmugh tal-borra maghquda, li donnu qed jahsibha jinhallx.

Jara r-ritratti mal-arbli tad-dawl  jiccartu u l-gurnalisti f’pajjizu jtaqqbu l-mistoqsijiet  f’mohhu u f’qalbu.  U martu l-mahruba titbissem  f’ritwal ta’ ‘nkejja u ’ndifferenza.  Forsi lanqas ghadha fil-pajjiz.

           

JISBAH L-GHADA FIL-LUKANDA FEJN ALLOGGJA L-GRUPP TELLIEF TA’ TJANKEI.

Zewg tahbitiet mal-bieb tal-kamra t’Ajman-Azu. Tliet tahbitiet fuq in-numru 49. Wahda aktar qawwija mill-ohra.

Xi hadd igib cavetta zejda minghand il-purtier.

Malli jinfeth il-bieb Ajman-Azu jidher inkwadrat  fuq pultruna , bix-xemx warajh. Nofs siluwett artab u konfuz.

Il-pultruna hamra.

Il-polz ta’ jdejh tax-xellug ahmar ukoll.  U l-ahmar jizzerzaq mal-art, u jasal kwazi sal-bieb tal-kamra.  

Serp li donnu qed idahhan u jrid igedwed xi haga muta.  

F’idu l-ohra Ajman-Azu ghandu  ritratt t’ibnu u fuq il-wara tar-ritratt messagg:  

Ibni. Ghaziz Sun-Xi…  

                Ahfirli.  Missierek m’ghandux aktar x’jghasses.

                Ix-xibka mcarrta kollha.    

 

U mal-ewwel xita tal-istagun fi Tjankei, ix-xbihat t’Ajmam-Azu mal-arbli tad-dawl, imcarrtin u mitfijin, kienu ghadhom iperpru fir-rih. 

 

TMIEM