L-GHARQA FINALI

Hareg mal-grigall

bl-estwarju drammat’ku tas-sema

fuq rasu

u lsien tan-nar 

jilghab ma’ qalbu,

ghax fjamm’ardenti kulma kellu

kontra r-rih u l-bahar jibla’.

Xiegher mahnuq it-tajr ta’ l-ilma

hekk kif rah jinzel fl-ilmijiet bla skupli.

Mill-ilma l-blatiet tal-qawwi,

hotbin ghakka telghin mir-raghwa,

stuzi w inkoxjenti,

lebsin l-ombra tat-tniebri mxarrba,

bi xdieq karniv’ri  qodma.

Thabat u ssabbat fl-ilma,

tiela’ w niezel mal-kurrenti,

jahbat mal-pettijiet,

jittaqqab taht il-mewg imherwel.

U f’qalbu l-fjamma

              tipprova tkompli tixghel

              minghajr motiv futur

              kontra t-terrur

              kontra l-irjieh vjolenti

              kontra l-assalt tal-blat

              tiela’mill-ilma biex icarrtu.  

             U fil-mument ta’ l-ahhar gharqa,

             hu jsir ir-rih

             u l-bahar,

             u bl-ghelubija safra tieghu

             jingasta fit-twerziq tat-tajr migruf,

             bl-organi joqtru.

             Isir l-ghasfur ferut u mrieghed

             li jzigg ghall-fjamma persistenti

             fil-lejl ta’ l-irzih terribbli

             fil-lejl ghammieq tas-sagrificcju.

Mario Azzopardi

Novembru 2006