L-ITTRA DWAR SANTER DEL FIORE

Ghaziz habib tieghi, Marius,

Nigi mill-ewwel ghall-punt krucjali ta’ l-ahhar messagg elettroniku tieghek.

Dwar Santer del Fiore m’ghandix ahbarijiet sbieh wisq. Wahda mill-infermieri, habiba antika tieghi li ltqajt maghha l-gimgha li ghaddiet fil-Kafe’ Pultovski, gharrfitni li kien trasferit ghas-Sanatorju ta’ San Disma u qed ikun ikkurat f’izolament strett.

Tkellimna fit-tul u tatni certu dettalji li hadt nota taghhom bil-miktub.

Sa issa, l-aghar krizijiet fil-qaghda ta’ Santer kienu paralizi funzjonali, depressjoni intensa u xi incidenti ta’ allucinazzjoni. Izda issa l-affarijiet iggravaw sew.

Mill-isptar fejn kien rikoverat dan l-ahhar, del Fiore spicca hazin, marbut f’gakketta tal-forza wara li attakka tabiba Pollakka sesswalment. Ipprova jehodha minn wara, b’hafna ghajat bestjali ta’ l-istess kelma – Kagura! Kagura! Safejn nista’ niftakar, din il-kelma originat fl-orjent u kienet tintuza biex tiddeskrivi l-genitalja femminili bhala rigal lill-allat.

Kif taf int, l-ossessjoni bis-sesswalita’ issa ilha li hakmet lil Santer ghal dawn l-ahhar tliet snin jew aktar. Fil-bidu, ilkoll kemm ahna hsibna li qed jesprimi din il-manija f’parametri akkademici. Konna hsibna li Santer del Fiore sata’ jfisser it-teoriji dinamici tieghu dwar il-logos u l-eros f’qafas intellettwali. Kellu bzonn jirkupra l-awto-stima tieghu wara li geghluh jirrizenja mill-Fakulta’ ta’ l-iStudji Umanistici. L-infermiera qaltli li fl-isptar ta’ qabel, fil-kompjuter sabulu merfughin diversi pagni dwar ir-rabta bejn il-qtates u n-nisa; il-kult ta’ l-esebizzjonizmu tal-vagina; il-prattika tat-tokudashi f’Tokjo u Kjoto u r-ritwali simili ta’ l-ana-suromai fil-festival religjuz tal-Griegi tal-qedem. Sabulu wkoll zewg statwetti, riproduzzjonijiet tat-terrakotta, x’aktarx mill-Muzew Britanniku, juru nisa b’saqajhom miftuhin, b’idejhom fuq il-vulva.

Fil-kumpjuter instabu anki bcejjec ta’ dokument dwar ir-relazzjoni ta’ Nietzsche man-nisa, b’referenza partikolari ghal passaggi minn Ghaliex Jien Gharef Daqshekk.

Izda l-affarijiet dehru li kienu differenti milli hsibna ahna. Minbarra l-bcejjec filosofici dwar Nietzsche u s-sesswalita’, fuq il-mejda ta’ Santer del Fiore, imgezwrin f’borza sewda tal-plastik, l-infermieri sabu diversi kotba ta’ pornografija pura, fosthom Maria Monk, il-grajja ta’ soru novizza li timbaram fil-vizzji eccessivi u sadici li jsehhu fil-kunvent ta’ Cadiere, taht il-kontroll ta’ certu sacerdot ta’ mezz’eta’, Pere Beaumarche. Volum iehor li nstab ghand del Fiore jiddokumenta l-istorja tal-lesbjanizmu, minn Saffo sal-bondage-magazines fl-iStati Uniti. Habibti l-infermiera ghaddietli xi fotokopji minn dawn il-kotba. Fil-pagna tat-titlu tal-volum dwar il-lesbjanizmu, Santer kiteb hekk bil-lapis:

Vendetta raffinata tar-ragel Amerikan kontra l-kultura tal-matriarkizmu ta’ l-ispeci qattiela, b’passaggi eccitanti ta’ flagellazzjoni bejn in-nisa nfishom.

Letteratura ohra misjuba fil-pussess ta’ Santer tinkludi l-grajjiet ta’ konkubina masokista, rakkuntati minn certu Leopold von Sacher Masoch, kif ukoll storja tal-feticizmu bejn prostituti u rgiel dizabilitati fizikament, u anki ta’ rgiel “normali” ma’ nisa immankati. Santer immarka bl-ahmar din ir-referenza minn Kap. 9, p.237:

…the original associative link between a man’s libido and dsfects of beauty are quite unknown to the patient.

Mill-konversazzjoni twila li kelli fil-Kafe’ Pultovski sirt naf li tlitt ijiem jew erbgha qabel l-assalt fuq it-tabiba, Santer del Fiore kien qed ikun, alternattivament, fi stat ta’ skantament u stat konfuzjonali. U lejlet l-episodju Santer, b’dizinvoltura kbira, neza’ minn qaddu ‘l isfel, bis-sess tieghu cappa f’idu quddiem studenta gdida u ddikkjara: Issa li se naghlaq 55 sena, ninsisti li naghmel ezami dwar il-velocita’ spermodika tieghi.

Ta’ interess estetiku stramb kienu d-disinji li nstabu mwahhlin fil-kamra ta’ Santer. Meta zortu l-ahhar darba, dawn id-disinji kont osservajthom diga’, imma hu ma riedx jitkellem dwarhom. Jikkonsistu f’sensiela ta’ xbihat femminili rqaq, minghajr fattizzi ta’ xejn, xagharhom imhabbel u l-mons veneris imkabbar b’mod tassew esagerat, minghajr l-ebda proporzjon mal-bqija tal-figura. Taht kull tpingija kien hemm imwahhlin tikketti b’tipi grassi, fosthom, biex tiehu idea ta’ xi whud:

- Bhal farfett bil-gwienah miksurin, nissajja fil-hogor niedi tal-bir profond.

- Jekk ninzel fl-abbiss forsi nasal sal-kwiekeb.

- Se nidhol nipprovoka lid-destin tieghi fil-hofra mqaddsa.

- Bhal prigunier mitluf wara l-ezilju, se nissogra s-suwicidju fi hdanha.

Mill-aspett letterarju, forsi l-aktar fattur interessanti tal-manija sesswali li zviluppa Santer del Fiore, ghandu x’jaqsam ma’ dawk li beda jsejhilhom Vulvati flagranti bil-Poezija Digitali . Dawn huma serje ta’ collages, arrangamenti bi tqasqisiet ta’ stampi minn siti pornografici mill-internet, imghaqqdin ma’ linji mqasqsin mill-ispam mail li tikkummercjalizza s-sess u li saret tinvadi kull kompjuter. Teknikament, biex nghidlek is-sew, dawn il-“kompozizzjonijiet” ta’ del Fiore fakkruni fl-esperimenti tieghek bil-“poezija viziva” li kont tippubblika fil-bidu tas-Snin Sebghin, meta kont ghadek influwenzat mill-moviment ta’ Memphis.

Intant, il-muntaggi li Santer del Fiore holoq bl-immagini u l-kliem mill-posta elettronika jinkludu t-tkabbir tal-peni, kross-dressing, irbit u dixxiplina, fellatio, cunnilinctus, sado-masokizmu, voyeurizmu u feticizmi mixxellanji. Kellu wkoll katalgu zghir tal-webcams u l-indirizz ta’ sit f’Los Angeles, jismu Sex & Swinger Personal Site, fejn membri nisa esebizzjonisti jilaghbu bejniethom quddiem il-kamera.

Ippruvajt niftakar kulma naf sal-lum, ghaziz Marius. Minbarra li xtaqtek tkun infurmat dwar il-qaghda mentali ta’ Santer del Fiore skond kif tlabtni, jista’ jkun li dan it-taghrif jiswielek ghall-istudju li qed taghmel dwar l-arketipi u l-kuncett ta’ l-anima u l-animus f’sens postmodern. Incidentalment, dwar l-arketipi, Santer kien osservali, madwar sitt xhur ilu, li jaqbel ma’ l-ideat ta’ Berkeley dwar li l-arketipi huma xbihat li ezistew f’mohh Alla biex johloq id-dinja, anki jekk il-hassieb Irlandiz ma kellux kuragg jghid li meta faqqas dawk ix-xbihat, Alla kien f’sakra manja, divina.

Jekk ikolli aktar taghrif, nghaddihulek minnufih. Sadanittant, ejja nittamaw li sehibna Santer ma jibqax jimbaram fil-vortici implakabbli tal-harifa ta’ hajtu.

B’xewqat mill-qalb, bhal dejjem,

Walter.