L-ITTRA DWAR ANGELE

Ghaziza Elizaveta

Insellimlek.

Ma xtaqtx inkun jien li naghtik l-ahbar kerha, imma nhoss dmir li nghidlek li omm Angele hallietna l-Hamis tal-gimgha li ghaddiet. Angele ma setghetx taghmel aktar milli ghamlet u sahanistra xtrat, bi spejjez inkredibbli, it-titqib li suggerewlha, kemm minn Milan kif ukoll minn Parigi. Ommha kienet kaz bla tama, invazata kif kienet b’celluli li ggennu u faqqsu fl-organi vitali kollha. It-tobba kienu qed jibzghu li tibda tirremetti l-hmieg u milli sirt naf, il-mara msejkna kienet qed tarmi rwejjah insapportabbli.

Fil-funeral Angele ma kellmet lil hadd, jew kwazi lil hadd. Lili qaltli xi haga li ma fhimtx wisq u tatni l-impressjoni li qed tfantas poezija dwar il-mewt ta’ ommha. Wara li kahhlu x-xorok u tqieghdu l-fjuri tal-kondoljanzi, Angele qabditli idi u minghajr ma harset lejja qalet: “Il-hitan kollha bojod u l-ahhar farfett miet fgat fic-cilindru ta’ l-ossignu.”

Fil-jiem ta’ wara l-funeral ippruvajt nikkuntattja lil Angele id-dar u anki bic-cellulari.

Ma kinetx qed twiegeb u thassibt.

Qtajtha li nghaddilha sa l-appartament u l-bierah tkellimna ghal madwar siegha jew ftit aktar. Bjadet hafna, litteralment bjadet hafna. Bdiet titkellem dwar il-holm taghha dwar in-non-ezistenza ta’ ommha. Qed tohlom li ommha regghet mietet x’imkien iehor, fi klinika fejn jibdlulek il-metabolizmu u jraqqduk ghal dejjem bi hwawar pungenti, nofshom hlewwa-nofshom qrusa.

Qed tara lil ommha nuda, mimduda minn tula fuq irhama ta’ kulur ambigwu, bejn ahdar car u vjola, u b’gisimha musfar mimli singi, bhaz-zokk ta’ sigra qadima u mittiekla. F’kull kantuniera ta’ l-irhama, Angele tara erba’ ghasafar, b’ras ta’ zring u b’hurhara li tqabbadha swied-il qalb, tant li tkun trid tqum mill-holma. Din id-dehra tghid li qed tirrepeti ruhha.

Min-naha l-ohra Angele qed tikkonsla bil-qari mistiku. Qed taqra titli li ma smajt bihom qatt. Ghandha traduzzjonijiet Lebanizi fuq it-tema tal-mewt (Mejtin Niesi f’dal-Lejl ta’ Bruda jew Il-Bikja Certa ta’ l-Oqbra, fost dawk li laqtuli l-attenzjoni); Ix-Xenqa ghall-Qdusija ta’ Ronald Rotheiser u Kompendju ta’ Spiritwalita’ Russa.

Qaltli wkoll li qed tinfluenzaha l-kitba ta’ Shusaku Endo, l-aktar fejn jirrakonta l-grajja ta’ L-Ahhar Martri, u anki l-kitba ta’ awtrici Lhudija-Amerikana li hawn ma nistax niftakar isimha.

Angele tahseb li din il-letteratura spiritwali qed tghinha biex “tnaddaf il-hgieg tal-lanterna” (ta’ ruhha). Wara l-mewt ta’ ommha, Angele qed tghid li trid tghix biss f’dak li qed tfittex u li trid tirrevedi lilha nfisha fis-solitudni.

M’ghandix dubju li Angele se tghaddi minn esperjenza ta’ misteru u profondita’, li tikkuntrasta bis-shih man-narrativa mqallba taghha, bl-illuzjonijiet kollha li ghexet u t-telfiet kollha li garrbet b’dizinvolutra li dejjem ghagbbet lilna lkoll.

Il-versi li ghad tikteb Angele minn issa ‘l quddiem jistghu jkunu l-eqqel xhieda.

Ghalissa, ghallinqas fil-percezzjoni tieghi, Angele qed tikkonsma lilha nfisha, bhal gebla mielha f’xatt bahar stramb u hiemed. Izda jista’ jkun li ghandi zball. Forsi

bdiet il-process tal-metamorfosi taghha: jista’ jkun li se tinbidel f’hagra prezzjuza.

Bl-isbah xewqat bhal dejjem,

habibek,

Oskar

Click here for a printer friendly version.