HOMO RIDENS 

Hekk ghex.:
poeta bl-ghata iswed karg f'ghajnejh,
daqqa fil-briedel, fiz-zoni projbiti,
daqqa rieqed ghall-qiegha, fl-istazzjon,
daqqa f'appartment,
bil-pjanu abjad, fid-disa' sular. 

Jiehu n-noti. Ma jafx x'se jaghmel bihom.
Inizzel marki w tahziziet li jaf hu biss.




Kien hemm minn xehed li semghu jidhaq wahdu,
wara diskorsi twal mal-qtates u l-erwieh,
jghallimhom il-vers hieles, projettiv
u l-awtomizmi puri.
Ohrajn jirrakkuntaw ‘ll-attrici nuda,
tahlef mewt b'sikkina, jekk ma jehodhiex
wara lejl gin & tonic.
Hu nnifsu, jghidu, kien iqalleb fil-manwali,
iqis l-spazju, l-hin tal-gravita',
meta kien lest, hu nnifsu, hekk kif jghidu,
ghall-iskoss kbir ta' l-ahhar, f'gest solenni.
Xi hadd xehed li rah miexi wahdu
fil-lejl ta' l-ilma mherwel, jibla' l-art,
liebes biss l-ingravata u l-qalziet ta' taht. 

Kif gheb dak il-poeta ma jaf hadd.
Ahbaru sal-lum m'hemmx, ‘qas minghand Alla.
Spekulazzjoni biss kien hemm kemm trid
dwar id-dezolazzjoni sfieqa tieghu,
stramba w insidjuza.
U griet ukoll l-istorja
li rawh f'wicc ta' qattus, ghand is-sahhara,
b'nuccali iswed, xaghru ‘kkulurit
iqabbel vrus li hadd ma sama' bhalhom:

  xenoka damo kraal razvika dumbo rako
  udondo mako vraal mumati dumbo tako 

Mario Azzopardi