--------------------------------------------------------------
Filghaxija. Xejn eccezzjonali hlief is-solennita' tal-banali. It-tnejn bilqieghda
fuq bank tal-hadid fondut.
F'ghajnejha hemm 53 qamar mitfi. Hu mimli kapsuli biex irazzan in-nefha tal-prostata.
Izda m'hemm xejn straordinarju.
Bejniethom hemm transister
itextex l-istazzjonijiet konfuzi u bejniethom ukoll is-silenzju ghajjien.
Hi thares lejn in-nies ghaddejjin
u ma tarahomx.
Hu jifli d-dawl bati fil-bahar
jipprova jiftakar fejn hi l-linja tal-orizzont.
Lura fiz-zona domestika tar-ripetizzjoni tinzel il-purtiera tal-indifferenza li ndrat.
Xejn straordinarju. Kollox familjari. Anki l-istanjata u x-xibka tan-nemus.
Il-fruntieri
'nvizibbli parti mill-formola. L-istess bhall-anatomija tas-sajf twil u niexef taghhom.
Ragel u mara:
inkullati.
Ibbalzmati fiz-zmien li fadlilhom flimkien.